Amio Veteranos

O club Amio foi precursor da actual competición de fútbol de veteranos que organiza cada tempada a Agrupación de Deportistas Veteranos de Santiago. A primeiros dos anos 70, reuníase o Sr. Manuel Torres con otros delegados de equipos de veteranos que tiñan en mente o proxecto de sacar adiante unha competición para os maiores de 30 anos, e entón cando xunto o Chapistería Compostela, Rosalía, Restaurante Crespo, Peña Navegante y Peña Universo, dan luz a esa ilusión que hoxe en día permanece e sigue medrando.
Desde os inicios nunca faltou a súa cita coa competición, chegando a disputar duas finais de copa a mediados dos 90 e a última no 2004.
No ano 2011, foi invitado ao campionato de España de deporte afeccionado que se disputou na cidade de Puertollano en Ciudad Real, no 2012 esta competición discorreu en Cantabria, nas vilas de Noja e Santoña e no 2013 o escenario será Benidorm.